Ով կարող է դիմել

Ծրագրին կարող են դիմել այն սթարթափները, որոնք՝

  • Ունեն նախնական ձևավորված թիմ
  • Համահիմնադիրներից առնվազն մեկը ազգությամբ հայ է
  • Սթարթափը գտնվում է ստորև նշված զարգացման փուլերից որևէ մեկում
  • Համահիմնադիրներից մեկը պատրաստակամ է հաստատել և գրանցել սթարթափը Հայաստանում և այստեղ ապրել առնվազն մեկ տարի:

Տեղերի սահմանափակ քանակից ելնելով՝ Դիլիջանում ծրագրին մասնակցելու համար յուրաքանչյուր սթարթափից կհրավիրվի երկու անդամ:

Դիմել այստեղ՝ Դիմորդ:

Դիմումների վերջնաժամկետը՝ Հոկտեմբերի 21, 2019թ.։

 

Սթարթափ ընդունելի փուլը

Մասնակցելու համար կարող են դիմել այն թիմերը, որոնց ծրագրերը գտնվում են սթարթափի առաջնային փուլում: Ծրագրի տեսանկյունից, կազմակերպության գաղափարը կարող է համարվել սթարթափ փուլում, երբ արտադրանքը գտնվում է զարգացման հետևյալ փուլերից որևէ մեկում՝ նախնական արտադրանք/հետազոտություն և զարգացում (R&D), նախատիպ, նվազագույն կենսունակ արտադրանք (MVP), սկզբնական եկամուտ (հասնելով վաճառքի):

Ստորև կարող եք տեսնել կազմակերպությունների նկարագրությունը ըստ փուլերի՝ դիտարկելով արտադրանքի զարգացման հերթականությունը:

 

Կազմակերպության փուլ Բնութագիր
Գաղափար Թիմ Թիմը ձևավորվել է: Այս փուլում հիմնադիրները կարող են ներգրավված լինել նախագծում ոչ ամբողջապես:
Հաճախորդ Թիմ կարող է սահմանել, թե ով է լինելու իր արտադրանքի հիմնական սպառողը և արդեն թիրախավորել է իր հիմնական հաճախորդին:
Եկամուտ Թիմ արդեն սահմանել է բիզնես նախատիպ, հասկանում է ինչպիսի ծախսեր և մուտքեր կարող են լինել և աշխատում է գնի և շահույթի կառուցվածքի վրա: Թիմ չունի եկամուտ:
Արտադրանք Թիմ արդեն ձևավորել է հայեցակարգ, որը կարող է շտկվել հետազոտությունների և զարգացման ընթացքում:
Նախասաղմնային փուլ Թիմ Թիմը բաղկացած է հիմնադիր(ներ)ից՝ որոնք ներգրավված են աշխատանքներում ամբողջապես:
Հաճախորդ Թիմ բանակցությունների մեջ է հնարավոր հաճախորդների հետ՝ սահմանելու շուկայի պահանջարկը:
Եկամուտ Գնային/եկամտային կառուցվածքը ձևավորված է, սակայն կա շուկայի գնահատման անհրաժեշտություն: Թիմը չունի եկամուտ:
Արտադրանք Նախատիպը պատրաստ է:
Սաղմնային փուլ Թիմ Թիմը կազմված է աշխատանքներում ամբողջովին ներգրավված հիմնադիր(ներ)ից և սկզբնական աշխատակիցներ վարձելու գործընթացի մեջ է:
Հաճախորդ Թիմը արդեն ունի վճարող հաճախորդներ և շուկայի պահանջարկը վավերացվել է:
Եկամուտ Կազմակերպությունը հասել է վաճառքի փուլին:
Արտադրանք Նվազագույն կենսունակ արտադրանքը (MVP) գործարկված է:

 

Ծրագրի գործընթացի նկարագրություն

Ծրագրի գործընթացը բաղկացած է հետևյալ փուլերից՝

  • 1. Դիմում
  • Մասնակիցները լրացնում են հայտադիմումները և GUST-ի միջոցով հաստատում:
  • 2. Նախնական գնահատում
  • Կուսումնասիրվեն հայտադիմումների համապատասխանությունը չափորոշիչներին:
  • 3. Գնահատում
  • Նախնական գնահատումն անցած հայտադիմումները կուսումնասիրվեն ևս մեկ անգամ և ամենախոստումնալից սթարթափները կհրավիրվեն մասնակցելու կազմակերպիչների հետ հարցազրույցի:
  • 4. Հարցազրույց
  • Մասնակիցները կհրավիրվեն՝ քննարկելու ծրագրին մասնակցելու իրենց մոտիվացիան և հայրենադարձության հավանականությունը:
  • 5. Ընտրություն
  • Ընտրության փուլում և հարցազրույցների արդյունքում կընտրվեն ծրագրին մասնակից սթարթափերը:
  • 6. Մասնակցություն ծրագրին
  • Յուրաքանչյուր ընտրված սթարթափից երկու մասնակից կհրավիրվի Դիլիջանի միջազգային դպրոց՝ մասնակցելու դեկտեմբերի 16-ից 20-ը կայացող քառօրյա ծրագրին:
  • 7. Ծրագրի ներկայացում
  • Ծրագրի ավարտին, «քոուչինգի» և «մենթորության» դասընթացներից հետո, յուրաքանչյուր թիմ ժյուրիին կներկայացնի իր լուծման ուղիները`ներդրումային դրամաշնորհի համար մրցելու նպատակով:
  • 8. Դրամաշնորհների և պարգևների տրամադրում
  • Հաղթած թիմերը կհրավիրվեն հայրենադարձվելու Հայաստան և ստանալու 15-ից 30 հազար ԱՄՆ դոլարին համարժեք
    դրամի դրամաշնորհներ, ինչպես նաև ձեռնարկատիրական աջակցություն՝Հայաստանում իրենց ձեռնարկությունները զարգացնելու նպատակով:

 

Կազմակերպիչների կողմից առաջարկվող արտոնությունները

Ընտրված սթարթափների երկու անդամ կստանա ամբողջական ֆինաանսավորում՝

  • Կեցություն և սնունդ
  • Տեղական տրանսպորտ
  • Մշակութային ծրագիր և տեսարժան վայրերի այցելություն
  • Ավիատոմսերի հետ կապված ծախսերը հիմնականում հոգում են մասնակիցները։ Այնուամենայնիվ, այդ ծախսերի փոխհատուցման հնարավորություններ առկա են՝ կախված մասնակիցների մոտիվացման աստիճանից, սթարթափի ոլորտից և մասնակցի սոցիալական կարգավիճակից։

 

Դրամաշնորհները և պարգևները կտրամադրվեն այն դեպքում, երբ հաղթող թիմերը ներկայացնեն՝

  • Բիզնես պլան
  • Սթարթափը Հայաստանում գրանցելու ապացույցներ
  • Կազմակերպության անունով բացված բանկային հաշիվ

 

Դիլիջան հրավիրված սթարթափները կստանան հետևյալ ծախսերի ֆինանսավորում՝

  • Հայաստանում 4 օրյա կեցություն և սնունդ
  • Տեղափոխություն Երևան-Դիլիջան

 

Ավիատոմսերի գումարը կհոգան մասնակիցները: Սահմանափակ դրամաշնորներ հնարավոր կլինեն որոշ հանգամանքներից և ֆինանսական կարիքից ելնելով:

 

Ինչո՞ւ դիմել

Գործարարները կուսումնասիրեն իրենց սթարթափը բարելավելու հնարավորությունները, այդ թվում՝

  1. Ինտելեկտուալ՝ անհատական և թիմային հմտությունների բացահայտում, ինչպես նաև պլանների ուսումնասիրություն, որոնք առաջացնում են իրական արժեքներ մարդկանց և բիզնեսի համար
  2. Ցանցային՝ համապատասխան հմտություններ ունեցող մարդկանց և շուկայի հասանելիության ուսումնասիրություն
  3. Ֆինանսական՝ կապիտալի հասանելիության ուսումնասիրություն
  4. Առանցքային՝ անհատական և թիմային մոտիվացիայի ուսումնասիրություն:

Ինչո՞ւ հիմնել բիզնես Հայաստանում

  1. Դառնալ հայաստանյան սթարթափ էկոհամակարգի մի մաս
  2. Կառավարության ուժեղ աջակցություն
  3. Ներդրումային հնարավարությունների և հարկային արտոնություններ
  4. Հայաստան տեղափոխվելու և բնակություն հաստատելու հարցում աջակցություն:
  5. Հայաստանում պրոֆեսիոնալ մասնագետների հետ կապի ստեղծում:

 

Կազմակերպիչներ

ՀՀ ՍՓՅՈՒՌՔԻ ԳՈՐԾԵՐԻ ԳԼԽԱՎՈՐ ՀԱՆՁՆԱԿԱՏԱՐԻ ԳՐԱՍԵՆՅԱԿ

ՀՀ ԲԱՐՁՐ ՏԵԽՆՈԼՈԳԻԱԿԱՆ ԱՐԴՅՈՒՆԱԲԵՐՈՒԹՅԱՆ ՆԱԽԱՐԱՐՈՒԹՅՈՒՆ

 

Գործընկերություն և համագործակցություն

ՀԱՅԱՍՏԱՆԻ ԳԻՏՈՒԹՅԱՆ ԵՒ ՏԵԽՆՈԼՈԳԻԱՆԵՐԻ ՀԻՄՆԱԴՐԱՄԻ հետ

 

Հովանավորներ և Գործընկերներ

  1. IDeA հիմնադրամ
  2. Դիլիջանի միջազգային դպրոց